Мінск зноў прыме Кубак перамогі і Кубак Выкліку па пляжным валейболе

Другі год запар беларуская сталіца становіцца цэнтрам прыцягнення для аматараў пляжнага валейбола. З 9 па 13 верасня ля Палаца спорту пройдуць адразу два прэстыжныя міжнародныя турніры – Кубак перамогі і Кубак Выкліку.

Кубак Перамогі збярэ на пясчаных кортах наймацнейшых гульцоў з Беларусі і Расіі. У турніры прымуць удзел 12 мужчынскіх і 12 жаночых пар.

Беларусь прадставяць наймацнейшыя дуэты краіны: у мужчын – шматразовыя чэмпіёны рэспублікі Аляксандр дзядкоў і Павел Петрушка, у жанчын – Вікторыя Сакрэтава і Надзея Цішкова. За трафей пазмагаюцца таксама каманды з Казахстана.

Спаборніцтвы пройдуць па наступным графіку:

9-10 верасня – групавы этап Кубка Перамогі (уваход вольны);

11 верасня – чвэрцьфіналы і паўфіналы;

12 верасня – матчы за трэцяе месца і фіналы;

13 верасня-Кубак Выкліку.

Асаблівай увагі заслугоўвае Кубак Выкліку, які адбудзецца 13 верасня. Ва ўнікальным фармаце 4×4 на пяску сустрэнуцца прадстаўнікі пляжнага і класічнага валейбола з Беларусі і Расіі. Летась у абодвух паядынках перамогу атрымалі»пляжнікі”. Склады каманд гэтым разам трымаюцца ў сакрэце, але арганізатары абяцаюць яркае шоу і непрадказальную барацьбу.

Арганізатары падрыхтавалі насычаную забаўляльную праграму: конкурсы і майстар-класы для заўзятараў; розыгрышы падарункаў; некалькі фотазон; міні-пляцоўка для валейбола; таварыскі матч сярод каманд СМІ (12 верасня).

Не прапусціце галоўную валейбольную падзею восені ў Мінску!