Пісьмовыя звароты

Звароты выкладаюцца на беларускай або рускай мовах.

Пісьмовы зварот грамадзян у абавязковым парадку павінен ўтрымліваць:

найменне прадпрыемства або яго структурнага падраздзялення альбо службовай асобы, якім накіраваны зварот;
прозвішча, уласнае імя, імя па бацьку або ініцыялы грамадзяніна;
адрас месца жыхарства (месца знаходжання);
пераказ сутнасці звароту;
асабісты подпіс грамадзяніна (грамадзян).

Пісьмовы зварот юрыдычнай асобы ў абавязковым парадку павінен ўтрымліваць:

найменне прадпрыемства або яго структурнага падраздзялення альбо службовай асобы, якім накіраваны зварот;
поўнае найменне юрыдычнай асобы;
месца знаходжання юрыдычнай асобы;
пераказ сутнасці звароту;
прозвішча, уласнае імя, імя па бацьку асобы, упаўнаважанай падпісваць звароты;
асабісты подпіс кіраўніка або асобы, упаўнаважанай у вызначаным парадку падпісваць звароты, завераны пячаткай юрыдычнай асобы.

Да пісьмовых зваротаў, якія падаюцца прадстаўнікамі заяўнікоў, прыкладаюцца дакументы, якія пацвярджаюць іх паўнамоцтвы. У зваротах павінна ўтрымлівацца інфармацыя аб выніках іх папярэдняга разгляду з дадаткам (пры наяўнасці), які пацвярджае гэту інфармацыю.

Паштовы адрас, рэжым працы: 220004, г. Мінск, прасп. Пераможцаў, 23/3-б, каб. 503. ПН-ЧЦ: 9:00-18:00, ПТ: 9:00-16:45, абедзенны перапынак: 13:00-13:45, сб-ндз: выхадныя.

Пакідаюцца без разгляду па сутнасці звароты, якія (па якіх):

напісаныя не на беларускай або рускай мове;
не ўтрымліваюць прозвішча, уласнага імя, імя па бацьку, адраса месца жыхарства (месца знаходжання) грамадзяніна;
не ўтрымліваюць поўнай назвы юрыдычнай асобы і адраса яго месца знаходжання, прозвiшча, уласнага iмя, iмя па бацьку кіраўніка або асобы, упаўнаважанай у вызначаным парадку падпісваць звароты (для юрыдычных асоб);
ўтрымліваюць тэкст, які не паддаецца чытанню;
ўтрымліваюць нецэнзурныя або абразлівыя словы або выразы;
падлягаюць разгляду ў адпаведнасці з заканадаўствам аб канстытуцыйным судаводстве, грамадзянскім, грамадзянскім працэсуальным, гаспадарчым працэсуальным, крымінальна-працэсуальным заканадаўствам, заканадаўствам, якое вызначае парадак адміністрацыйнага працэсу, заканадаўствам аб адміністрацыйных працэдурах альбо ў адпаведнасці з заканадаўчымі актамі вызначаны iншы парадак падачы і разгляду такіх зваротаў;
ўтрымліваюць пытанні, якія не адносяцца да кампетэнцыі Кіраўніцтва справамі Прэзідэнта Рэспублікі Беларусь;
прапушчаны без уважлівай прычыны тэрмін падачы скаргі;
пададзены паўторны зварот, калі ён ужо быў разгледжаны па сутнасці і ў ім не ўтрымліваюцца новыя абставіны, якія маюць значэнне для разгляду звароту па сутнасці;
з заяўнікам спыненая перапіска.