Метро Мінска: новы этап развіцця сталічнай транспартнай сістэмы

З лютага гэтага года пачынаецца будаўніцтва метро каля фізкультурна-аздараўленчага цэнтра. Трэцюю галінку метро-Зеленалужскую пусцяць у бок Зялёнага Луга. На чатырохкіламетровым участку размесцяцца чатыры станцыі:

“Прафсаюзная” (на скрыжаванні праспекта Пераможцаў і вуліцы Мельнікайтэ, у раёне Дома прафсаюзаў і фізкультурна-аздараўленчага цэнтра);

“Пярэспа “( на скрыжаванні праспекта Машэрава і вуліцы Крапоткіна, у раёне Рэспубліканскага тэатра беларускай драматургіі);

“Камароўская” (на скрыжаванні вуліц Багдановіча і Веры Харужай);

“Парк Дружбы народаў” (у раёне плошчы Бангалор), якая стане перасадачнай на чацвёртую галінку метро.

У рамках Генеральнага плана развіцця Мінска прынята гістарычнае рашэнне аб будаўніцтве чацвёртай Кальцавой лініі метрапалітэна. Гэты маштабны праект стане важным крокам у паляпшэнні транспартнай інфраструктуры сталіцы, забяспечыць камфортнае перамяшчэнне для жыхароў і гасцей горада, а таксама знізіць нагрузку на існуючыя лініі метро і наземны транспарт.

Чацвёртая кальцавая лінія будзе ўключаць 17 станцый, якія звяжуць ключавыя раёны Мінска. Праект прадугледжвае паэтапнае ўзвядзенне.

Адной з галоўных задач стане мадэрнізацыя існуючых станцый, якія будуць ператвораныя ў перасадачныя вузлы. Напрыклад, станцыя “Акадэмія навук” стане важным транспартным хабам, якія забяспечваюць зручную перасадку паміж лініямі. На дадзены момант вядуцца перадпраектныя работы, якія ўключаюць аналіз геалагічных умоў, транспартных патокаў і інфраструктурных магчымасцяў. Спецыялісты вывучаюць аптымальныя варыянты пракладкі тунэляў і размяшчэння станцый.